MyPassion
İnstagramın loqosu niyə dəyişdi?
5 İyul 2016, 02:43 \ Baxılıb: 1102 dəfə \

Instagram'ın logosu niyə dəyişdi?
400 milyon istifadəçi tərəfindən hər gün 80 milyon şəkil və video paylaşılan bir platformamız olduqda ən kiçik bir dəyişiklik belə çox gözə batır. Amma Instagram'ın elədiyi dəyişiklik dəyişimi sevənlərin belə işini çətinləşdirəcək növdəndir.

Instagram'ın logosuna çox öyrəşmişik. Halbuki 5 il əvvəl həyatımızda belə bir şey yox idi. Onun görməyə alışqın olduğumuz logosu ilk ortaya çıxanda şəkil çəkib effekt əlavə edərək paylaşmaqdan başqa çox az şey edilməsi mümkün idi. Lakin indi video çəkilir, kolajlar, GIF-ə bənzər "boomerang"lar, "hyperlapse"lər düzəldilir. Yəni uşaq böyüməyə başladı. Paltarlarının yenilənməsinin vaxtı çoxdan gəlib. Elə buna görə də Instagramın dizayn qrupu 1 ildir bu dəyişiklik üstündə çalışırmış.

Instagram bizim mobil telefonlarımızda yaşayır və orada tək deyil. Çoxlu programın arasında "mənə toxun" və "məndən istifadə et" deyərcəsinə bizə baxır. Mobil telefonlarımızın da özünəməxsus bir interfeys dizaynı var. Bu dizaynlar son illərdə hamarlaşdı. Hamarlaşdı deyəndə "flat design" axınından bəhs edirəm. Lakin ondan əvvəl "Skeuomorphism" deyə bir dizayn axını yayılmışdı. Bəli, belə bir söz hıqiqətən də var. O vaxtlar həqiqi həyatdakı əşyaları ola bildikcə gerçəyə yaxın bir şəkildə köçürmək dəb idi. Məsələn, bir təqvim proqramı düzəldəcəksinizsə, bacardığınız qədər bənzədin. Kənarlardakı yırtıq səhifə detayını görə bildiniz?

Son illərdə hər şey hamarlaşmağa başladı. İkonlar da bundan nəsibini aldı. Belə bir dünyada Instagramın köhnə logosu o qədər köhnəlmiş qaldı ki...

Yaxşı. Logonun dəyişilməsinə razı olduq. Qayçıları götürüb ağacımızı budamağa başlaya bilərik. Özəlliklə logo dizaynında eynən bu edilir. Muasir dövrdə markanın dəyərlərinə fikir verər və onun təsvirini yaradarsınız. İlk təsvirlər ortaya çıxandan sonra da onu sadələşdirməyə başlayarsınız, yəni budayarsınız. Instagram istifadəçiləri də bunu edib, köhnə logonu budayıblar, budayıblar, budayıblar; sonda ağac ağaclıqdan çıxdıqdan sonra bir az təşvişə düşüblər. Bir ağacı budadıqdan sonr budaqlarını, yarpaqlarını yerinə qoya bilməzsən axı. Onu yenidən necə rəngləndirmək üçün nə edə blərik deyə düşünüb əllərinə bir sprey boya alaraq rəngarəng boyamağa başlayırlar. Eyni logoya şirkətin verdiyi məna isə belədir: "Yenilənmiş görüntümüz istifadəçilərimizin anlatdığı hekayələrin nə qədər fərqli və canlı olduğunu daha yaxşı əks etdirir."

Buradan da anlaşılır ki, hər mövzuda olduğu kimi dizaynda da gördüyünüz işi yaxşı anlatmaq, təqdim edə bilmək lazımdı.
Logo dizaynlarında da tətbiq edilən bir başqa üsul isə "logoyu 5 saniyədə xatırla və çək qaydası"dır. Adı üstündə, dizayner olmayan bir nəfər gördüyü bir logonu yaddaşından 5 saniyədə çəkə bilirsə, o logo lazımınca sadə, yaddaqalan və məqsədinə çatmış sayılır. Instagramın köhnə logosunu belə çəkmək olduqca çətindi, amma cəhd etdikdə kameranın obyektivi, sağ üst küncdəki VİZÖR və göyqurşağı rəngləri yadda qalır. Əslində, yeni logoda üçü də var. Sadəcə göyqurşağı rəngləri bir az isidilib, daha isti tonlarla əvəz olunub.

Bu rəngarəng logoya basdıqda qarşınıza çıxan programdadırsa, sadəcə tək rəng "monokromatik" bir dizayn seçilib. Beləliklə, interfeys halına gəlmiş olur. Sizinlə şəkilləriniz arasında səssiz sədasız dayanan rəngsiz kətan kimi. Programın içində gördüyümüz rəngli hər şey bizim çəkdiyimiz şəkillərdən və videolardan gəlir.

Bu logo dəyişimi dizayn kitablarındakı hardasa hər qaydaya hərfbəhərf riayət edilmiş kimi görünür. Yəni, teoremdə hər şey tamamdır. Üstəlik sadəcə dizayn teoremi də deyil. Neyroelm üsulları baxımından da "GÖRSEL ZITLIK" yaradılıb, çünki insanlar bu növ təsvirlərə daha əvvəl, daha tez və daha uzun baxır. Amma fəaliyyətdə ona baxanda bir şey əksik imiş kimi hiss edir insan. Köhnə logoya instagramın ruhu qarışıb çünki. Çox özünə uyğun idi. Modanı izləməzdi, modanı müəyyənləşdirərdi. Düzdü, köhnəlmişdi, kirlənmişdi, amma yeni logo onu təmizləmək üçün axşamdan paltar suyuna salınıb səhərə də üç su yuyunduqdan sonrakı halına dönmüş kimidi.

Mənbə: Barısozcan.com
Tərcüməçi: Əfruz Fətullazadə

Şərhlər (0)
Şərh bildir