MyPassion
Şəkildə cazibədar görünməyin 10 qaydası
16 Apr. 2017, 16:57 \ Baxılıb: 8600 dəfə \

Necə olur ki, real həyatda qeyri-adi özəlliyi olmayan adi insanlar, aktrisalar fotolarda həmişə gözəl görünürlər, amma biz adi insanlar özümüzü yüz şəkildən birində bəyənirik? Şəkillərdə qüsurlarımızı necə gizlədə bilərik? Sən demə bunun üçün 10 qaydaya əməl etmək kifayət imiş. Meqale.net bu qaydaları sizlər üçün aşağıda yazıb:

1. Poz verərkən gözlərinizi obyektivdən biraz yuxarı fokuslayın. Başınızı dik tutub çənənizi aşağı endirin.
2. Dilinizi dişlərinizin arxasına yerləşdirib gülümsəyin. Bu hərəkət üz ifadənizin gərginliyini azaldacaq.
3. Çiyinlərinizi düz tutun, ancaq özünüzü sıxmayın. Daha təbii görünmək istəyirsinizsə, çiyinlərinizi yüngülcə geriyə atın.
4. Sizə ən çox hansı rəngin yaraşdığını müəyyənləşdirin. Bunun üçün bir ağac altında, ya da pəncərənin kənarında təbii işıqda dayanın və müxtəlif rəngli paltarları sınayın.
5. Özünüz olun. Heç kimi təqlid etməyin.
6. Fotolarda hər şey olduğundan daha şişirdilmiş görünür. Buna görə qadınlar makiyaj edərkən çox diqqətli olmalıdırlar. 30 yaşdan aşağı qadınlar üçün biraz tuş və dodaq parladıcısı, 30 yaşdan yuxarı olanlar üçün isə qüsurlarını biraz gizlətmək kifayətdir.
7. Vücudunuzu kameranın olduğu hissədən biraz yana çevirin, bir ayağınızı digərinin önünə qoyun və çiyninizi fotoqrafa yaxınlaşdırın. Üz öndə olanda bədən daha böyük görünür.
8. Ümumi planda şəkil çəkdirəndə qarnınızı içinizə çəkin, kürəyinizi şax tutun və kameraya gülümsəyin.
9. Gözəl çıxdığınız şəkilləri araşdırın. Əmin olun, ən yaxşı şəkilləriniz kameranın varlığını unutduğunuz zaman çəkilib.
10. Foto çəkilməzdən əvvəl gözlərinizi yumun və fotoqrafın düyməyə basdığı anda açın.

Şərhlər (1)
Şərh bildir